Back গরুড়পুরাণ Bengali/Bangla Garuda Purana English Garuda-purana Spanish ગરુડ પુરાણ Gujarati गरुड़ पुराण Hindi Garudapurana ID ಗರುಡ ಪುರಾಣ Kannada ഗരുഡപുരാണം Malayalam गरुड पुराण Marathi गरुड पुराण Nepali

Garuda Purana

Sarong pahina gikan sa manuskritong Garuda Purana (Sanskrito, Devanagari)

An Garuda Purana saro sa 18 Mahāpurāṇa teksto sa Hinduismo. Parte ini kan literaturang Vaishnavismo corpus,[1] pangenot na nasesentro sa Hindung diyos na si Vishnu. Kinomposo sa Sanskrito asin makukua man sa manlainlain na tataramon arog kan Gujarati asin Ingles.[2] An kaenot-enoteng bersiyon kan teksto pwedeng isinurat kan enot na milenyo CE, alagad posibleng marhay na pinahiwas iyan asin binago sa laog nin halawig na panahon.[3][4][5]

Midbid an tekstong Garuda Purana sa kadakol na bersyon, igwa nin 15000+ na bersikulo.[5][6] An saiyang mga kapitulo igwa nin halangkaw na manlaenlaen na mga tema.[7] Igwa nin laog an teksto na dapit sa kosmolohiya, mitolohiya, relasyon sa pag'ultan kan mga dios, ethics, marhay tumang sa maraot, manlaenlaen na mga eskwelahan kan mga pilosopiyang Hindu, an teorya kan Yoga, an teorya kan "langit asin impyerno" kaiba an "karma asin pagkamundag liwat", apoon na ritwal asin soteryolohiya, mga salog asin heograpiya, mga klase nin mineral asin mga gapo, mga paagi nin pagprobar nin hiyas para sa saindang kalidad, listahan kan mga tinanom asin herbal,[8] manlaenlaen na mga helang asin an saindang mga sintomas, manlaenlaen na bulong, aphrodisiacs, prophylactics, kalendaryong Hindu asin an saiyang basehan, astronomiya, bulan, mga planeta, astrolohiya, arkitektura, pagtugdok nin harong, mahalagang tampok kan mga templong Hindu, ritwal nin passage, kawanggawa asin paggibo nin regalo, ekonomiya, pagtipid, katungdan nin hade, politika, mga opisyal kan estado asin an saindang mga papel kun pano an pag-appoint sainda, genre kan literatura, panundon kan gramatika asin iba pang mga tema.[9][6][10] Tinutukar kan huring kapitulo kun pano an pagpraktis kan Yoga (mga klaseng Samkhya asin Advaita), pampersonal na pagpaurog asin an benepisyo kan sadiring kaaraman.

Binugtak sa kategorya kan Padma Purana an Purana, kaiba siya, Bhagavata Purana asin Vishnu Purana, bilang sarong Sattva Purana (sarong purana na nagrerepresentar sa karahayan asin kadalisayan).[11] An teksto, arog kan gabos na Mahapurana, iinaatribwir sa sage na si Veda Vyāsa sa tradisyon na Hindu.[12]

  1. ↑ Leadbeater 1927, p. xi.
  2. ↑ Gretil, H. H. (2020). garuDapurANa. Sanskrit Documents Organisation. p. i. Archived from the original on 2023-04-25. Retrieved 2023-04-25. 
  3. ↑ K P Gietz 1992, p. 871, item 5003.
  4. ↑ Pintchman 2001, pp. 91–92 with note 4.
  5. ↑ 5.0 5.1 Dalal 2014, p. 145.
  6. ↑ 6.0 6.1 Rocher 1986, pp. 175–178.
  7. ↑ Rocher 1986, pp. 78–79.
  8. ↑ Sensarma P (1992). "Plant names - Sanskrit and Latin". Anc Sci Life 12 (1–2): 201–220. PMID 22556589. 
  9. ↑ Dutt 1908.
  10. ↑ Rajendra Chandra Hazra (1938), Some Minor Puranas, Annals of the Bhandarkar Oriental Research Institute, Vol. 19, No. 1, pp. 69–79
  11. ↑ Wilson, H. H. (1840). The Vishnu Purana: A system of Hindu mythology and tradition. Oriental Translation Fund. p. xii. 
  12. ↑ Jonathan Parry (2003). Joanna Overing, ed. Reason and Morality. Routledge. pp. 209–210. ISBN 978-1135800468. 

Developed by StudentB